आज मिति २०७५।१२।२६ गतेका दिन यस निस्दी गाउँपालिका स्तरीय यूवा समन्वय समितिको आयोजना र निस्दी गाउँपालिका मित्याल पाल्पाको आर्थिक सहयोगमा आयोजितमा प्रथम उपाध्यक्ष कप भलिबल प्रतियोगिता यसै समितिका अध्यक्ष श्री नविन्द्र थापाको अध्यक्ष्यता, निस्दी गाउँपालिका अध्यक्ष श्री मुक्त बहादुर सारुको प्रमुख अतिथि, निस्दी गाउँपालिका उपाध्यक्ष रीता कुमारी अर्याल, नेकपा नेता देवीलाल लामिछाने र निस्दी गाउँपालिका प्रमुख प्रशासकिय अधिकृत शालिकराम बस्यालको विशिष्ट अतिथ्यमा संचालन भएको कार्यक्रममा कार्यक्रम संयोजकहरुको तर्फबाट हेम बहादुर खाम्चा ज्यूको स्वागत मन्तव्य र गाउँपालिका प्रमुख अध्यक्ष श्री मुक्त बहादुर सारु ज्यूको उद्घाटनमा संचालन भएको थियो । उक्त कार्यक्रममा निस्दी गाउँपालिका उपाध्यक्ष रीता कुमारी अर्याल, नेकपा नेता देवीलाल लामिछाने निस्दी गाउँपालिका प्रमुख प्रशासकिय अधिकृत शालिकराम बस्यालको छोटो मन्तव्य र क्षेत्रिय भलिबल रेफ्रि अनन्त श्रेष्ठ ज्यूद्धारा भलिबल खेलको नियम तथा निर्देशन रहेको थियो ।
आजबाट शूरु भएको पहिलो चरणको खेलमा पुरुष तर्फबाट निस्दी ५ गल्धा र निस्दी ६ अर्चले बिचको खेलमा निस्दी ५ गल्धा बिजेता, निस्दी २ सहलकोट र निस्दी ४ मित्याल बिचको खेलमा बराबरमा टुङ्गिएको छ साथै महिला तर्फबाट निस्दी ३ झिरुबास र निस्दी ७ ज्यामिरे बिचको खेलमा निस्दी ७ ज्यामिरेले बिजय हासिल गरेको छ ।
