यस निस्दी गाउँपालिकाको तेस्रो अध्यक्ष कप महिला तथा पुरुष भलिबल प्रतियोगिता निस्दी गाउँपालिकाको झ्याल्टुङ खेल मैदानमा शुक्रवार देखि शुरु भएको छ । निस्दी खेलकुद समन्वय समितिका अध्यक्ष नबिन्द्र थापा सोतीको अध्यक्षतामा चलेको कार्यक्रमको मुख्य पाहुना गाउँपालिकाका अध्यक्ष  श्री मुक्त बहादुर सारु ज्यू रहनु भएको थियो । शुक्रवार संचालन भएको पुरुष भलिबल प्रतियोगितामा वडा नम्बर-४,मित्यालले वडा नम्बर-७,ज्यामिरेलाई २५-१०,२५-११ र १५-४ को अन्तरमा, वडा नम्बर-५,गल्धाले वडा नम्बर-३,झिरुबासलाई २५-२३ र २५-२० को सोझो सेटमा पराजित गरेका थियो भने निस्दी-१,बाकामलाङले वडा नम्बर-६,अर्चलेलाई २८-२६ र २५-२० को अन्तरमा पराजित गरेका थिए । त्यसैगरी महिला भलिबलमा ज्यामिरेले सहलकोटलाई २०-२५,२५-२३ र २५-१३ को अन्तर पराजित गरेका थिए । लिग सिस्टममा संचालन भएको प्रतियोगिताको दोस्रो दिन शनिबार पुरुष भलिबलमा ज्यामिरे र सहलकोट र महिला भलिबलमा मित्याल र झिरुबाँस बिच प्रतिस्पर्धा हुनेछ । समितिका सचिब श्री प्रेम बहादुर बाकाबल ज्यू ले संचालन गर्नु भएको थियो । यस प्रतियोगितामा ७ वटै वडाको सहभागिता रहेको थियो ।