यस निस्दी गाउँपालिकाको झ्याल्टुङ खेल मैदानमा राष्ट्रपति रनिङ शिल्ड प्रतियोगिता आइतबार देखि शुरु भएको छ । राष्ट्रपति रनिङ शिल्ड प्रतियोगिता-२०७७ मुल आयोजक समितिका सदस्य तथा गाउँपालिका उपाध्यक्ष श्री रिता कुमारी अर्याल ज्यू, को अध्यक्षमा चलेको उद्घाटन समारोहका मुख्य पाहुनामा यसै गाउँपालिकाको प्रवक्ता मेख बहादुर सुनारी रहनु भएको थियो । यस प्रतियोगितामा जम्मा १२ वटा माध्यमिक विद्यालय मध्ये ११ वटा विद्यालयले सहभागिता रहेकोमा भलिबल,दौड,शटपुट,हाइजम्प लगायतका छात्र-छात्रा गरि जम्मा ९ विधाका खेलहरु सन्चालन  भएको प्रतियोगितामा बालहित माध्यमिक विद्यालय सहलकोटले ४ स्वर्ण र १ रजत जितेको छ भने सरस्वती माध्यमिक विद्यालय गल्धाले ३ स्वर्ण १ कास्य जितेको छ । त्यसैगरी गौरीशंकर माध्यमिक विद्यालय मित्यालले १ स्वर्ण,४ कास्य,सरस्वती माध्यमिक विद्यालय ज्यामिरे,लक्ष्मी माध्यमिक विद्यालय झिरुबास,जनक माध्यमिक विद्यालय झिरुबास र अंशुवर्मा माध्यमिक विद्यालय सहलकोटले समान १/१ रजत १/१ कास्य जितेको छ । प्रतियोगिताका बाँकी खेल सोमबार बिहान ७ बजे देखि सञ्चालन हुदै छन् ।
सो प्रतियोगिता मुल आयोजक समितिका सचिब श्री केश बहादुर सुनारी ज्यू, को स्वागत मन्तव्यबाट शुरु भएको कार्यक्रमको सन्चालन प्रेम बहादुर बाकाबलले गर्नुभएको थियो ।